Nokia 7.2 ஸ்மார்ட்போனின் புகைப்படங்கள் வெளியானது!

பேஸ்புக்கில் பகிரலாம் ட்வீட் பகிர் ரெட்டிட்டில் கருத்து
Nokia 7.2 ஸ்மார்ட்போனின் புகைப்படங்கள் வெளியானது!

Photo Credit: Techmesto

ஃபாரஸ்ட் க்ரீன் வண்ணத்தினாலான Nokia 7.2 ஸ்மார்ட்போனின் நேரடி புகைப்படங்களில் கசிந்துள்ளது.

ஹைலைட்ஸ்
  • Nokia 7.2 IFA 2019-ல் அறிமுகமாகும் என்று எதிர்பார்க்கப்படுகிறது
  • முந்தைய கசிவுகளை இந்த நேரடி புகைப்படங்கள் உறுதிப்படுத்துகின்றன
  • இது மூன்று கேமராக்களுடன் வட்ட கேமரா தொகுப்பை கொண்டுள்ளது

சமீபத்தில் வெளியான இரண்டு கசிவுகளுக்கு பிறகு நோக்கியா 7.2 அனைவரது கவணத்தையும் ஈர்த்துள்ளது. இந்த கசிவுகள் இதுவரை ஸ்மார்ட்போன்களின் வடிவமைப்பு மற்றும் சாதனத்தை இயக்கும் ப்ராசஸர் பற்றிய தகவல்களை வெளிப்படுத்தியுள்ளன. முன்னதாக HMD குளோபல், IFA 2019 நிகழ்வில் இந்த ஸ்மார்ட்போன் அறிமுகமாகும் என்பதை உறுதிப்படுத்தியிருந்தது, மேலும் அந்த நிகழ்வில் நோக்கியா நிறுவனம் இரண்டு புதிய ஸ்மார்ட்போன்களை அறிமுகப்படுத்தும் என்று எதிர்பார்க்கப்படுகிறது. நோக்கியா 7.2 மற்றும் நோக்கியா 6.2 ஆகிய இரண்டு ஸ்மார்ட்போன்களும் IFA 2019 நிகழ்வில் இடம் பிடிக்கும் என்று எதிர்பார்க்கப்படுகிறது.

டெக்மெஸ்டோ (Techmesto) வெளியிட்டுள்ள புதிய கசிவு, நோக்கியா 7.2-வின் நேரடி புகைப்படங்கள் முன்பு கசிந்த வடிவமைப்பை உறுதிப்படுத்துவதாகக் காட்டுகிறது. மற்றொரு ரஷ்ய நிறுவனம் நோக்கியா 7.2 ஐஸ் ப்ளூ (Ice Blue), ஃபாரஸ்ட் கிரீன் (Forest Green), மற்றும் சார்கோல் பிளாக் (Charcoal Black) ஆகிய மூன்று வண்ணங்களில் கிடைக்கும் என்று குறிப்பிட்டுள்ளது. ரஷ்யாவிலிருந்து சமீபத்தில் கசிந்தது ரஷ்யாவிற்கான TA-1196 மாடல் எண், நோக்கியா 7.2 இரண்டு சிம் வசதி கொண்டிருக்கும் எனக் குறிப்பிடுகிறது. முந்தைய கசிவில், நோக்கியா பவர் யூசர் (NokiaPowerUser), TA-1178 மாடல் எண் நோக்கியா 7.2-வின் ஒற்றை சிம் வசதி வகையை உறுதிப்படுத்துகிறது. மேலும் அந்த குறிப்பிட்ட வகை 4GB RAM மற்றும் 128GB சேமிப்பு அளவை கொண்டிருக்கும் என்றும் கூறப்பட்டுள்ளது.

நேரடி புகைப்படம் ஃபாரஸ்ட் கிரீன் வண்ணத்தினாலான நோக்கியா 7.2 ஸ்மார்ட்போனை காட்டுகிறது. இது முன்பக்க புகைப்படம் வாட்டர் டிராப் நாட்ச் வடிவமைப்பையும் வெளிப்படுத்துகிறது. நோக்கியா 7.2 ஸ்மார்ட்போன் 6.3-இன்ச் FHD+ திரையுடன் HDR10 வசதி கொண்டு அறிமுகமாகும் என்று முந்தைய தகவல்கள் தெரிவிக்கின்றன. பின்புறத்தில், இது ஒரு மூன்று கேமரா அமைப்பைக் கொண்டுள்ளது, இந்த கேமராக்கள் வட்ட கேமரா தொகுதியில் வடிவமைக்கப்பட்டுள்ளது. மேலும், இந்த ஸ்மார்ட்போனில், ஃபிங்கர் பிர்ன்ட் சென்சார் பின்புறத்தில் இடம் பெற்றுள்ளது.

பின்பறத்தில் உள்ள கேமராக்களில் ஒன்று 48 மெகாபிக்சல் சென்சாராக இருக்கக்கூடும், மற்ற சென்சார்களின் விவரங்கள் தற்போது தெரியவில்லை. நோக்கியா 7.2 Geekbench தளத்திலும் இடம்பெற்றுள்ளது. அன்டஹ் தளம், இந்த ஸ்மார்ட்போன் ஸ்னாப்டிராகன் 660 எஸ் ஓ சி அல்லது ஸ்னாப்டிராகன் 710 எஸ் ஓ சி மூலமாக இயக்கப்படலாம் என்பதை வெளிப்படுத்துகிறது. இந்த தொலைபேசி 3500mAh பேட்டரி அளவைக் கொண்டு செய்யப்படுவதாகவும், குவால்காமின் விரைவு சார்ஜ் தொழில்நுட்பத்திற்கான வசதியை கொண்டுள்ளது என்றும் கூறப்படுகிறது.

HMD குளோபல் செப்டம்பர் 5 ஆம் தேதி IFA 2019 நிகழ்வை நடத்தப்போவதாக ஏற்கனவே அறிவித்துள்ளது. அந்த நிகழ்வில் நோக்கியா 7.2 ஸ்மார்ட்போன் அறிமுகப்படுத்தும் என்று எதிர்பார்க்கப்படுகிறது.

கருத்து

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

பிற மொழிக்கு: English
 
 

விளம்பரம்

 
#சமீபத்திய செய்திகள்
  1. Stolen Mobile Phone: போன் திருட்டா அல்லது தொலைந்துவிட்டதா..? - இனி அரசே அதை கண்டுபிடித்து தரும்!
  2. Mi Band 4, Mi TV 65-இன்ச் இன்று அறிமுகமாக வாய்ப்பு- முழு விவரம் உள்ளே!
  3. OnePlus 7T, OnePlus 7T Pro சிறப்பம்சங்கள், அறிமுக தேதியுடன் கசிந்தது!
  4. Smart 'Life' Watch: 2,999 ரூபாயில் ஹார்ட் ரேட் சென்சாருடனான மலிவு விலை ஸ்மார்ட்வாட்ச்!
  5. இந்தியாவில் அறிமுகமான ரியல்மி பட்ஸ் வயர்லெஸ் இயர்போன்ஸ், பவர் பேன்க்!
  6. Realme XT: 64 மெகாபிக்சல் முதன்மை சென்சார், 4 பின்புற கேமரா அமைப்புடன் இந்தியாவில் அறிமுகம்!
  7. இன்று அறிமுகமாகும் Realme XT, இந்தியாவில் விலை என்ன, நேரடி ஓளிபரப்பை எப்படி காண்பது?
  8. Vivo Z1x: பிளிப்கார்ட், விவோ தளங்களில் முதல் விற்பனை, முழு விவரங்கள் உள்ளே!
  9. ரெடினா திரையுடன் அறிமுகமான Apple Watch Series 5: இந்தியாவில் விலை, விற்பனை?
  10. விலைக் குறைப்பை அடுத்து இந்தியாவில் எந்த iPhone எவ்வளவு விலை, முழு பட்டியல் இங்கே!
© Copyright Red Pixels Ventures Limited 2019. All rights reserved.