'ஆண்ட்ராய்டிடம் தோற்றதுதான் என்னுடைய மிகப்பெரிய தவறு' - மைக்ரோசாப்டின் பில் கேட்ஸ்!

பேஸ்புக்கில் பகிரலாம் ட்வீட் பகிர் ரெட்டிட்டில் கருத்து
'ஆண்ட்ராய்டிடம் தோற்றதுதான் என்னுடைய மிகப்பெரிய தவறு' - மைக்ரோசாப்டின் பில் கேட்ஸ்!

Photo Credit: YouTube/ Village Global

"உண்மையில் வெற்றியாளர்கள் கைகளிலேயே அனைத்தும்", பில் கேட்ஸ்.

ஹைலைட்ஸ்
  • 'வில்லேஜ் குலோபல்' நடத்திய நிகழ்வு ஒன்றில், பில் கேட்ஸ் வருத்தம்
  • ஆண்ட்ராய்ட் வளர்ச்சி பற்றி பில் கேட்ஸ் பேச்சு
  • 2005-ல் ஆண்ட்ராய்ட் தளத்தை கூகுள் நிறுவனம் பெற்றது

மைக்ரோசாப்டின் துணை நிருவனரான பில் கேட்ஸ், இந்த மிகப்பெரிய ஆண்ட்ராய்ட் தளத்தை தவறவிட்டது தான் அவர் செய்த 'மிகப்பெரிய தவறு' என்பதை ஒப்புக்கொண்டுள்ளார்.  63 வயதான இந்த மைக்ரோசாப்ட் பாஸ், "மைக்ரோசாப்ட் நிறுவனம் இன்றளவிலும் ஒரு வலுவான நிறுவனமாக உள்ளது. இருப்பினும், ஆண்ட்ராய்ட் தளத்தை தன் கைகளில் வைத்திருந்தால், 'ஒரு தலைசிறந்த நிறுவனம்' என்ற பெயரிற்கு பதில் 'ஒரே ஒரு தலைசிறந்த நிறுவனம்' என்ற பெயரை பெற்றிருக்கும்" எனக் கூறியுள்ளார். 'வில்லேஜ் குலோபல்' (Village Global) நடத்திய நிகழ்வு ஒன்றில், பில் கேட்ஸ் இம்மாதிரி தன் வருத்தத்தை வெளிப்படுத்தினார்.

"இந்த மென்பொருள் உலகத்தில், குறிப்பாக தளங்களில், வெற்றியாளர்கள் கைகளிலேயே அனைத்து சந்தையும் இருக்கும்." என்று அந்த நேர்காணலில் அவர் கூறியுள்ளார். 

"எனவே, நிர்வாகத்தில் மிகப்பெரிய தவறு என்னவென்றால் நான் மைக்ரோசாப்டிலேயே என் நேரத்தை செலவளித்ததும், ஆண்ட்ராய்ட் என்ற ஒன்றை மறந்ததும்தான்."

"அதாவது, ஆண்ட்ராய்ட் என்பது ஒரு நிலையான தளம், ஆப்பிள் அல்லாத தளம், இது மைக்ரோசாப்டின் வெற்றிக்கு இயற்கான ஒன்றாக அமைந்திருக்கும். உண்மையில், வெற்றியாளர்கள் கைகளிலேயே அனைத்தும்." என்று அவர் கூறினார்.

நீண்ட நேரம் நடந்த இந்த உரையாடலில், கேட்ஸ்,"விண்டோஸ் மற்றும் ஆப்பீஸின் வெற்றி என்பது மைக்ரோசாப்ட் நிறுவனத்தை குறுகிய நேரத்தில் வேறு நிலைக்கு எடுத்து சென்றது. ஆனால், ஆண்ட்ராய்ட் போன்ற ஒரு தளத்தை உருவாக்காதது, ஆப்பிள் தளத்திற்கு போட்டியாக ஒரு தளத்தை அறிமுகப்படுத்தாது, இதன் விளைவு இன்னும் மைக்ரோசாப்ட் 'ஒரு தலைசிறந்த நிறுவனம்' தான், 'ஒரே ஒரு தலைசிறந்த நிறுவனம்' இல்லை" என்று அவர் கூறியிருந்தார்.

"ஒருவேளை நாங்கள் அதை சரியாக பெற்றிருந்தால், நாங்கள் அந்த ஒரே நிறுவனமாக இருந்திருப்போம்" என்று அவர் கூறினார்.

அவர் பேசிய முழு காணோளி இதோ!

ஆண்ட்ராய்ட், பாலோ ஆல்டோ (Palo Alto)-வால் உருவாக்கப்பட்ட இந்த ஆண்ட்ராய்ட், இதை ஜுலை 2005-ல் கூகுள் நிறுவனத்திற்கு அவர் வெறும் 50 மில்லியன் டாலர்கள் (347 கோடி ரூபாய்) என்ற என்ற விலைக்கு விற்றார். பில்கேட்ஸ் கூறுவது என்னவென்றால்,"இந்த ஆப்பிள் அல்லாத தளத்திற்கு எப்போதுமே ஒரு இடம் உண்டு, இதன் மதிப்பு என்னவாக இருக்கும் என்று நினைக்கிறீர்கள்? ஒருவேளை கூகுள் நிறுவனத்திடமிருந்து இந்த ஆண்ட்ராய்டை பெறவெண்டுமென்றால் மைக்ரோசாப்ட் நிறுவனத்திற்கு 400 பில்லியன் டாலர்கள் (27,76,500 கோடி ரூபாய்) தேவைப்படும்" எனக் கூறியுள்ளார். 

கூகுள் ஆண்ட்ராய்ட் வளர்ச்சியில் ஈடுபட்டுக்கொண்டிருந்த நேரத்தில், மைக்ரோசாப்ட் நிறுவனம் விண்டோஸ் போன்களை தயாரித்துக்கொண்டிருந்தது.

கருத்து

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

பிற மொழிக்கு: English বাংলা
 
 

விளம்பரம்

 
#சமீபத்திய செய்திகள்
  1. நோக்கியா வெளியிடும் முதல் ஆண்ட்ராய்டு போன்..!?- பரபர தகவல்கள்
  2. இன்று வெளியாகிறது ‘ஒப்போ K3’: எதிர்பார்க்கப்படும் விலை, அம்சங்கள்!
  3. சுழலும் கேமரா வசதியுடன் வெளியான சாம்சங் கேலக்ஸி A80; விலை மற்றும் ஆரம்ப தள்ளுபடி விவரம்!
  4. தொடரும் ‘ரெட்மீ K20’ விலை சர்ச்சை: மனம் திறந்த சியோமி நிறுவனம்!
  5. இந்தியாவில் நெட்பிளிக்ஸின் குறைந்த விலை 'மொபைல் ஒன்லி' திட்டம்!
  6. வைரலாகும் 'ஃபேஸ்ஆப்', இந்திய பயன்பாட்டாளர்களை ப்ளாக் செய்கிறதா?
  7. இன்று துவங்குகிறது 'ரியல்மீ X'-ன் 'ஹேட்-டூ-வெய்ட்' சேல்!
  8. 8 மணி நேர பேட்டரியுடன் Mi ப்ளூடூத் நெக்பேண்ட், இந்தியாவில் அறிமுகம்!
  9. மூன்று பின்புற கேமராக்களுடன் 'Mi A3' ஸ்மார்ட்போன் அறிமுகம்!
  10. ‘விவோ S1’ க்ளோபல் வேரியன்ட் அறிமுகம்… முழு தகவல்கள்!
© Copyright Red Pixels Ventures Limited 2019. All rights reserved.