25 சதவித மக்கள் மட்டுமே இந்தியாவில் இணையம் பயன்படுத்துகின்றனர்: ஆய்வு தகவல்

பேஸ்புக்கில் பகிரலாம் ட்வீட் பகிர் ரெட்டிட்டில் கருத்து
25 சதவித மக்கள் மட்டுமே இந்தியாவில் இணையம் பயன்படுத்துகின்றனர்: ஆய்வு தகவல்

டிஜிட்டல் இந்தியா முன்னேற்றங்களுக்கு மத்தியில், 2017 ஆம் ஆண்டு ப்யூ ஆய்வு மையம் நடத்திய ஆய்வு முடிவில் இந்தியாவில் நான்கில் ஒருவர் மட்டுமே இணையதளத்தை பயன்படுத்தும் வசதி கொண்டிருப்பதாக தகவல்கள் தெரிவிக்கப்பட்டுள்ளன.

37 நாடுகளில் நடத்தப்பட்ட ஆய்வில், தென் கொரியா நாட்டில், 96 சதவித மக்கள் இணையதளம் பயன்படுத்துவதாக தெரிவிக்கப்பட்டுள்ளது.

உலகின் பெரும்பாலான நாடுகளில், இணையதளம் பயன்படுத்தப்படுகிறது எனவும், இந்தியா, ஆப்ரிக்கா கண்டத்தை சேர்ந்த சஹாரா, அகிய இடங்களில் மிக குறைந்த அளவில் இணையத்தள வசதி சென்றடைந்துள்ளது என ஆய்வில் தெரிவிக்கப்பட்டுள்ளன

இந்தியாவில் உள்ள 18 வயதிற்கு மேற்பட்டவர்களின் ஸ்மார்ட் போன் பயன்பாடு சதவிதம், 2013 ஆம் ஆண்டு 12 சதவிதத்தில் இருந்து 2017 ஆம் ஆண்டு 22 சதவிதமாக அதிகரித்துள்ளது. அதை போல, சமூக வலைத்தளங்களின் பயன்பாடு 8 சதவிதத்தில் இருந்து 20 சதவிதமாக மாறியுள்ளது.

கடந்த 2013 ஆம் ஆண்டு ஆய்வில், 16 சதவித இந்தியர்கள் (18 வயதிற்கு மேற்பட்டோர்) இணையதளம் பயன்படுத்தினர். தற்போது, 2017 ஆம் ஆண்டு 25 சதவிதமாக உயர்ந்துள்ளது.

இதன் மூலம், இந்தியாவில் உள்ள 78 சதவித மக்கள் ஸ்மார்ட் போன் இல்லாமலும், 80 சதவித மக்களுக்கு சமூக வலைத்தளங்கள் குறித்த விழிப்புணர்வு இல்லாமலும் உள்ளது.

ஸ்மார்ட் போன் பயன்பாடு மற்றும் இணையதள பயன்பாடு பொறுத்த வரையில், வட அமெரிக்கா, ஐரோப்பிய நாடுகளில் அதிகம் காணப்படுகிறது. ஆசிய பசிபிக் பகுதிகளிலும் அதிகம் காணப்படுகிறது.

ஆஸ்திரேலியா, நெத்ர்லாந்து, சுவீடன், கனடா, அமெரிக்கா, இஸ்ரேல், பிரிட்டன், ஜெர்மனி, பிரான்சு, ஸ்பெயி, ஆகிய நாடுகளில் பத்தில் ஒன்பது பேர் இணையதளம் பயன்படுத்துகின்றனர்.

2017 ஆம் ஆண்டின் முடிவில், 53 சதவித மக்கள் சமூக வலைத்தளம் பயன்படுத்துவதாக ஆய்வில் தெரிவிக்கப்பட்டுள்ளது. கடந்த ஐந்து ஆண்டுகளில், 19 வளர்ந்து வரும் நாடுகளில் இணையதள பயன்பாடு அதிகரித்துள்ளது என தெரிவிக்கப்பட்டன.

வளர்ந்த நாடுகளில், 2017 ஆம் ஆண்டு ஆய்வில் 72 சதவித மக்கள் ஸ்மார்ட் போன் வைத்துள்ளதாகவும், மொத்தமாக 42 சதவித மக்கள் ஸ்மார்ட் போன் வைத்துள்ளனர் என ஆய்வில் தெரிவிக்கப்பட்டுள்ளது.

கருத்து

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

பிற மொழிக்கு: English
 
 

விளம்பரம்

 
#சமீபத்திய செய்திகள்
  1. OnePlus 7T, OnePlus 7T Pro சிறப்பம்சங்கள், அறிமுக தேதியுடன் கசிந்தது!
  2. Smart 'Life' Watch: 2,999 ரூபாயில் ஹார்ட் ரேட் சென்சாருடனான மலிவு விலை ஸ்மார்ட்வாட்ச்!
  3. இந்தியாவில் அறிமுகமான ரியல்மி பட்ஸ் வயர்லெஸ் இயர்போன்ஸ், பவர் பேன்க்!
  4. Realme XT: 64 மெகாபிக்சல் முதன்மை சென்சார், 4 பின்புற கேமரா அமைப்புடன் இந்தியாவில் அறிமுகம்!
  5. இன்று அறிமுகமாகும் Realme XT, இந்தியாவில் விலை என்ன, நேரடி ஓளிபரப்பை எப்படி காண்பது?
  6. Vivo Z1x: பிளிப்கார்ட், விவோ தளங்களில் முதல் விற்பனை, முழு விவரங்கள் உள்ளே!
  7. ரெடினா திரையுடன் அறிமுகமான Apple Watch Series 5: இந்தியாவில் விலை, விற்பனை?
  8. விலைக் குறைப்பை அடுத்து இந்தியாவில் எந்த iPhone எவ்வளவு விலை, முழு பட்டியல் இங்கே!
  9. இந்தியாவில் Samsung Galaxy A50s, Galaxy A30s ஸ்மார்ட்போன்கள், விலை, விற்பனை?
  10. Flipkart Big Billion Days 2019: அறிவிக்கப்பட்ட தேதிகள், எப்போது விற்பனை?
© Copyright Red Pixels Ventures Limited 2019. All rights reserved.