க்ரூப்பானுடனான இ-வணிகக் காப்புரிமை வழக்கில் ஐபிஎம்-க்கு 562கோடி இழப்பீடு

பேஸ்புக்கில் பகிரலாம் ட்வீட் பகிர் ரெட்டிட்டில் கருத்து
க்ரூப்பானுடனான இ-வணிகக் காப்புரிமை வழக்கில் ஐபிஎம்-க்கு 562கோடி இழப்பீடு

க்ரூப்பான் நிறுவனம் ஐபிஎம்மின் நான்கு இ-வணிகக் கண்டுபிடிப்புகளை வேண்டுமென்றே உள்நோக்கத்துடன் முறைகேடாகப் பயன்படுத்தியதாக அமெரிக்க நீதிமன்றம் தீர்ப்பளித்துள்ளது. இதன்படி ஐபிஎம்முக்கு க்ரூப்பான் நிறுவனம் 82.5 மில்லியன் டாலர் (562 கோடி ரூபா) வழங்கவும் உத்தரவிட்டுள்ளது. ஐபிஎம் நிறுவனம் 45,000க்கும் அதிகமான காப்புரிமைகளைச் சொந்தமாகக் கொண்ட நிறுவனம். தனது அறிவுசார் சொத்துரிமைகளுக்கு உரிமம் வழங்கியதில் மட்டும் கடந்த ஆண்டு அது 8200 கோடி ரூபாய் ஈட்டியிருந்தது குறிப்பிடத்தக்கது. இந்நிலையில் இத்தீர்ப்பு அவர்களுக்கு பெரும் உந்துதலை அளித்துள்ளது. முன்னதாக க்ரூப்பான் தனது ஆன்லைன் கூப்பன் வணிகத்தினை ஐபிஎம் கண்டுபிடிப்புகளின் அடிப்படையில் முறைகேடாக கட்டமைப்பதாகக் கூறி ஐபிஎம் நிறுவனம் 1150 கோடி இழப்பீடு கேட்டு வழக்கு தொடர்ந்திருந்தது.

“ஆண்டுக்கு ஆறு பில்லியன் டாலர்களை நாங்கள் ஆராய்ச்சி, புதிய கண்டுபிடிப்புகளுக்காக முதலீடு செய்கிறோம். எங்கள் கண்டுபிடிப்புகளைக் காக்க நாங்கள் காப்புரிமைகளை நம்பியே உள்ளோம்” என்று ஐபிஎம் செய்தித்தொடர்பாளர் இத்தீர்ப்பு குறித்து கூறியுள்ளார். அடுத்து என்ன செய்வதென்று தங்களுக்கு இருக்கும் வழிகளை ஆராய்ந்து வருவதாக க்ரூப்பான் செய்தித்தொடர்பாளர் தெரிவித்தார். “ஐபிஎம்மின் காப்புரிமைகளை நாங்கள் மீறவில்லை என்பதை இப்போதும் நம்புகிறோம். அக்காப்புரிமைகளுக்கு உரிய விலையைவிட பன்மடங்கு எங்களுக்கு தண்டம் விதிக்கப்பட்டுள்ளது. அவற்றுக்கு மதிப்பு இருக்கிறதா என்பதே ஐயம்” என்றும் அவர் மேலும் கூறினார்.

இவ்வழக்கின் விசாரணையில், “அமேசான், கூகுள், ஃபேஸ்புக், ட்விட்டர், லின்க்டின் போன்ற பல பெரிய நிறுவனங்கள் எங்களது காப்புரிமைகளைப் பயன்படுத்த 20 மில்லியன் டாலர் முதல் 50 மில்லியன் டாலர் வரை கட்டியுள்ளன. க்ரூப்பான் மட்டுமே விதிகளை மீறி எங்கள் அனுமதி இன்றி பயன்படுத்தியுள்ளது” என்று ஐபிஎம் தரப்பில் வாதாடப்பட்டது.

காப்புரிமை அமைப்பில் அண்மையில் செய்யப்பட்ட மாற்றங்களால் நிறுவனங்கள் தங்களது உரிமைகளைப் பாதுகாப்பது மிகவும் கடினமாகிவிட்டது என்றும்; இதனால் பல நிறுவனங்கள் ஊக்கமடைந்து சட்டவிரோதமாகக் காப்புரிமைகளைப் பயன்படுத்துகின்றன என்றும் ஐபிஎம் வழக்கறிஞர் தெரிவித்தார். இவ்வழக்கில் வெற்றி கிடைத்தாலும் இதற்கு பல மில்லியன் செலவும் காலமும் பிடித்துள்ளது என்றும் அவர் கூறினார்.

இவ்வழக்கின் முக்கியத்துவம் கருதி ஆன்லைன் விளம்பரம் & மார்க்கெட்டிங் வட்டாரத்தில் கூர்ந்து கவனிக்கப்பட்டு வந்தது.

கருத்து

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

பிற மொழிக்கு: English
 
 

விளம்பரம்

 
#சமீபத்திய செய்திகள்
  1. OnePlus 7T, OnePlus 7T Pro சிறப்பம்சங்கள், அறிமுக தேதியுடன் கசிந்தது!
  2. Smart 'Life' Watch: 2,999 ரூபாயில் ஹார்ட் ரேட் சென்சாருடனான மலிவு விலை ஸ்மார்ட்வாட்ச்!
  3. இந்தியாவில் அறிமுகமான ரியல்மி பட்ஸ் வயர்லெஸ் இயர்போன்ஸ், பவர் பேன்க்!
  4. Realme XT: 64 மெகாபிக்சல் முதன்மை சென்சார், 4 பின்புற கேமரா அமைப்புடன் இந்தியாவில் அறிமுகம்!
  5. இன்று அறிமுகமாகும் Realme XT, இந்தியாவில் விலை என்ன, நேரடி ஓளிபரப்பை எப்படி காண்பது?
  6. Vivo Z1x: பிளிப்கார்ட், விவோ தளங்களில் முதல் விற்பனை, முழு விவரங்கள் உள்ளே!
  7. ரெடினா திரையுடன் அறிமுகமான Apple Watch Series 5: இந்தியாவில் விலை, விற்பனை?
  8. விலைக் குறைப்பை அடுத்து இந்தியாவில் எந்த iPhone எவ்வளவு விலை, முழு பட்டியல் இங்கே!
  9. இந்தியாவில் Samsung Galaxy A50s, Galaxy A30s ஸ்மார்ட்போன்கள், விலை, விற்பனை?
  10. Flipkart Big Billion Days 2019: அறிவிக்கப்பட்ட தேதிகள், எப்போது விற்பனை?
© Copyright Red Pixels Ventures Limited 2019. All rights reserved.