கூகுளின் 'ஒலி பெருக்கி', இப்போது மார்ஷ்மெல்லோ மற்றும் அதற்கு மேலுள்ளவற்றில்!

பேஸ்புக்கில் பகிரலாம் ட்வீட் பகிர் ரெட்டிட்டில் கருத்து
கூகுளின் 'ஒலி பெருக்கி', இப்போது மார்ஷ்மெல்லோ மற்றும் அதற்கு மேலுள்ளவற்றில்!

பகுதி செவித்திறன் குறைபாடுள்ளவர்களுக்கு உதவியாக அறிமுகமான 'சவுண்ட் ஆம்ப்ளிஃபயர் செயலி'

ஹைலைட்ஸ்
  • பழைய ஆண்ட்ராய்ட் ஸ்மார்ட்போன்களில் 'சவுண்ட் ஆம்ப்ளிஃபயர் செயலி'
  • ஆண்ட்ராய்ட் 6.0 மார்ஷ்மெல்லோ மற்றும் அதற்கு மேலுள்ளவற்றில் செயல்படும்
  • இந்த செயலி கூகிள் பிளே ஸ்டோரில் இலவசமாக கிடைக்கும்

கூகுளின் 'சவுண்ட் ஆம்ப்ளிஃபயர் செயலி' (Sound Amplifier app) இப்போது ஆண்ட்ராய்டு 6.0 மார்ஷ்மெல்லோ (Marshmallow) மற்றும் அதற்கு மேலான அமைப்பு கொண்டு இயங்கும் அனைத்து ஸ்மார்ட்போன்களுக்கும் கிடைக்கப்பெரும். இந்த ஆண்டு பிப்ரவரி மாதத்தில் இந்நிறுவனம் பல்வேறு அளவிலான செவித்திறன் குறைபாட்டால் பாதிக்கப்பட்டவர்களுக்கு உதவியாக இரண்டு செயலிகளை முன்னதாக அறிமுகப்படுத்தியிருந்தது. அவற்றில் ஒன்றுதான் 'சவுண்ட் ஆம்ப்ளிஃபயர் செயலி'. பகுதி செவித்திறன் குறைபாடுள்ளவர்களுக்கு இந்த செயலி ஒலியின் அளவையும் மேம்படுத்தி மற்றும் அதை தெளிவுபடுத்தி அளிக்கும். 

துவக்கத்தில் ஆண்ட்ராய்ட் 9.0 பை (Android 9.0 Pie) அமைப்பு கொண்டு இயங்கும் சாதனங்களுக்கு மட்டுமே இந்த செயலி பயன்பாட்டிற்கு கிடைத்தது. பழைய அமைப்பு கொண்ட ஸ்மார்ட்போன்களை கொண்ட அதிகமான மக்கள் இதைப் பதிவிறக்கம் செய்ய முடியாது என்பதால், இப்போது ஆண்ட்ராய்டு 6.0 மார்ஷ்மெல்லோ வரையிலான பழைய அமைப்புகளை கொண்ட ஸ்மார்ட்போன்களில் இந்த செயலியை பதிவிறக்கும் செய்யும் வண்ணம் அறிமுகப்படுத்தியுள்ளது கூகுள் நிறுவனம்.

கூகுளின் ஒரு பதிவின்படி, 'சவுண்ட் ஆம்ப்ளிஃபயர்' இப்போது ஆடியோ காட்சிப்படுத்தல் அம்சத்துடன் புதிய தோற்றத்தையும் உணர்வையும் கொண்டுள்ளது. தொடங்குவதற்கு முன், உங்கள் ஹெட்ஃபோன்களை பயன்படுத்தி, இந்த 'சவுண்ட் ஆம்ப்ளிஃபயர்' செயலியை செயல்படுத்த வேண்டும். அதன்பிறகு ஒலியின் அளவையும் மேம்படுத்துதல் மற்றும் அதை தெளிவுபடுத்துதல் என அனைத்திற்கும் உதவும். 

இப்போது 'சவுண்ட் ஆம்ப்ளிஃபயர்' அதன் பணியைச் செய்கிறது என்பதை உறுதிப்படுத்த, கூகுள் மேலே குறிப்பிட்டுள்ளபடி ஆடியோ காட்சிப்படுத்தல் அம்சத்தைச் சேர்த்துள்ளோம், இது ஒரு ஒலியில் நீங்கள் செய்யும் மாற்றங்களைக் நேரடியாக காண உதவும்.

முன்பு இருந்ததை போல, இந்த 'சவுண்ட் ஆம்ப்ளிஃபயரை செயல்படுத்த நீங்கள் தனியாக எதுவும் செய்யத் தேவையில்லை. 

மேலும், இந்த 'சவுண்ட் ஆம்ப்ளிஃபயர்' கூகிள் பிளே ஸ்டோரில் இலவச செயலிகள் பட்டியலில் வைக்கப்பட்டுள்ளது, அங்கு இந்த செயலியை பதிவிறக்கம் செய்துகொள்ளலாம். 

கருத்து

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

பிற மொழிக்கு: English
 
 

விளம்பரம்

 
#சமீபத்திய செய்திகள்
  1. புகைப்படங்களுடன் வெளியானது 'Redmi 8A' ஸ்மார்ட்போனின் சிறப்பம்சங்கள்!
  2. 'நோக்கியா 7.2' ஸ்மார்ட்போன் குறித்த தகவல் வெளியாகின!
  3. ரெட்மி நோட் 8 ஸ்மார்ட்போனின் சிறப்பம்சங்களை உறுதி செய்த சியோமி அதிகாரி!
  4. அறிமுகமாகவுள்ள ரியல்மீ 5, ரியல்மீ 5 Pro, இதுவரை வெளியான தகவல்கள்!
  5. சாம்சங் கேலக்ஸி M30, கேலக்ஸி M20 போன்களுக்கு புத்தம் புதிய அதிரடி தள்ளுபடி: முழு விவரம் உள்ளே!
  6. பூமியின்மீது ஒரு விண்கல் மோதலாம், எச்சரிக்கும் நாசா!
  7. ஆகஸ்ட் 20-ல் அறிமுகமாகும் ரியல்மீ 5 Pro, இவ்வளவு குறைந்த விலையிலா?
  8. செப்டம்பர் 10-ல் அறிமுகமாகிறது 'ஐபோன் 11', iOS 13 புகைப்படங்கள் கூறும் குறிப்பு!
  9. ஜியோ பைபர் திட்டம், விலை, அறிமுக தேதி: தெரிந்துகொள்ள வேண்டிய அனைத்து தகவல்கள்!
  10. 48 மெகாபிக்சல் கேமராவுடன் 'ரியல்மீ 5 Pro', ஆகஸ்ட் 20-ல் அறிமுகம்!
© Copyright Red Pixels Ventures Limited 2019. All rights reserved.